Босану бөлімі

Босану бөлімі – Жамбыл облыстық перинаталдық орталықтың (ЖОПО) негізгі құрылымдық бөлімдерінің бірі болып табылады. Мұнда жыл сайын шамамен 7000 босану өтеді. Бөлім заманауи жабдықтармен қамтамасыз етілген, бұл ана мен ұрықтың жағдайын тәулік бойы бақылаумен босанудың жеке жүргізілуін қамтамасыз етеді.

Босанушы әйелдерге жасалған жағдай

Босану үшін стационарға түскен әйел жеке палатаға орналастырылады. Бұл палаталар барлық қажетті жабдықтармен жабдықталған және медициналық қауіпсіздікті, жайлылықты қамтамасыз етеді. Медициналық көрсеткіштер бойынша босану барысында ауырсынуды басу жүргізіледі.

Жабдықталуы және тәсілі

Босану бөлімі — акушерлік стационардың жүрегі, жаңа өмір басталатын орын. Босанудың нәтижесі келесі факторларға байланысты:

• медицина қызметкерлерінің біліктілігіне,
• босануды жүргізудің дұрыс тактикасына,
• заманауи әдістерді (оның ішінде операциялық тәсілдерді) меңгеруге,
• босанушы әйелдің өзін-өзі дұрыс ұстауына.

Бөлімде келесі жабдықтар бар:

• функционалды кереуеттер мен босану кереуеттері,
• ересектерге және ұрықтарға арналған кардиомониторлар және т.б.

Босану кезінде қатысатын мамандар:

Әрбір босануға:

• акушер-гинеколог дәрігер,
• акушерка,
• кіші медицина қызметкері қатысады.

Барлық акушер-гинекологтар босануды жүргізудің заманауи әдістерін, қынаптық және абдоминалды операциялық босануды жүргізу техникасын меңгерген.

ОПЦ — перинаталдық көмектің III деңгейіне жатады және ана мен бала үшін асқыну қаупі жоғары босануларды жүргізуге мамандандырылған.

Жаңа туған нәресте дүниеге келе салысымен, оны жоғары білікті неонатолог-дәрігерлер қарсы алады. Олар алғашқы тексеру жүргізіп, қажет болған жағдайда толыққанды реанимациялық көмек көрсетеді. Бөлім тәжірибесінде жаңа туған нәрестені анасының төсіне ерте жатқызу және «терімен теріге» ерте байланыс әдістері кеңінен қолданылады. Бұл ананың балаға деген жағымды психологиялық байланысын қалыптастырып қана қоймай, баланың иммундық жүйесінің дұрыс жетілуіне және ішек микрофлорасының пайдалы бактериялармен қоныстануына ықпал етеді.

Босанудан кейін алғашқы 2 сағат бойы ана мен нәресте босану палатасында кезекші персоналдың бақылауында болады. Кейін олар ана мен баланың бірлесіп болу бөліміне ауыстырылады.

Бөлім дәрігерлері:

Бөлім меңгерушісі, жоғары санатты акушер-гинеколог:
Адилханова Айнұр Турдықанқызы

Акушер-гинеколог дәрігер:
Игиликова Айжан Сабитқызы